2 миллион доллар. Ҳаҷми зарар аз қатъи интернет дар Тоҷикистон 

11 января 2023
117
Муаллиф: Rushnoi.org

Дар рӯйхати 23 кишваре, ки аз қатъи Интернет бештар зарар дидаанд, Тоҷикистон дар зинаи 19-ум қарор дорад. Дар ин бора Tpo10VPN.com хабар додааст. 

Бино ба маълумоти портал, ба сурати умум, қатъкуниҳо дар Тоҷикистон 936 соат (39 шабонарӯз)-ро ташкил дода, аз ин кор ба зиёда аз 78 ҳазор нафар сокинони кишвар зарар расидааст. Ҳаҷми умумии зарарро аз қатъ шудани интернет дар соли 2022 дар Тоҷикистон манбаъ 2 миллион доллар гуфтааст.

Дар ин шохис (индекс)-и солона ҳамаи ҳолатҳои назарраси дидаву дониста қатъкунии дастрасӣ ба интернет дар соли 2022 мавриди таҳлил қарор гирифта, нишон дода мешавад, ки аз ин ба иқтисод чӣ қадар зарар расонида шудааст.

Байни кишварҳои минтақа аз ҳама бештар Қазоқистон зарар дида, дар сегонаи пешсафон аз лиҳози осеб ба иқтисод аз қатъкуниии дастрасӣ ба интернет қарор дорад. Маблағи зарари қатъкунии дастрасӣ ба шабака дар ин кишвар 410,3 млн долларро ташкил дода, ба 16 млн 106 ҳазору 250 нафар корбарон таъсир расонидааст ва дар маҷмӯъ 144 соат идома доштааст. Дар ҳамин ҳол, соли 2019 Қазоқистон бо 2,6 млн доллар зинаи 18-умро ишғол намуда, дар солҳои 2020 ва 2021 ба индекс ворид нашуда буд.

Узбекистон бо зарари 219,7 млн доллар зинаи 5-ум ва Турманистон бо осеби 29 млн доллар — мақоми 10-умро касб кардаанд. Дигар давлатҳои пасошӯравӣ ба индеск шомил нашудаанд.

Дар зинаи аввали шохис Русия қарор дошта, зарари қатъкунии дастрасӣ ба интернет дар ин кишвар 21,59 млрд долларарзёбӣ мешавад. Дар зинаи дуюм бо 773 млн доллар зарар Эрон қарор гирифтааст.

Аз қатъкунии дастрасӣ ба интернет дар соли 2022 ба иқтисоди ҷаҳон дар маҷмӯъ 23,79 млрд доллар зарар расидааст, ки 323% зиёдтар нисбат ба соли 2021 аст.

Тибқи маълумоти Tpo10VPN.com, дар давоми сол дар 23 кишвар 114 ҳолати дидаву дониста қатъкунии назарраси дастрасӣ ба интернет сурат гирифтааст. Аз ҳама бештар қатъкунии дастрасӣ ба Twitter — дар муддати 21 650 соат ба амал омадааст. Ин нишондиҳанда дар муқоиса бо Instagram 56% ва нисбат ба Facebook — 64% зиёдтар аст.

Манбаъ: Азия Плюс